གནམ་གཤིས་འགྱུར་བ་ལུ་ མཐུན་སྒྲིག་འབད་མི་འདི་གིས་ དམིགས་ཚད་དང་ བྱ་སྤྱོད་ཚུ་ ཧ་ལམ་ཆ་མཉམ་རང་ བཏོག་བཏང་ཡོདཔ་ཨིན་རུང་ དམིགས་ཚད་༩ དང་༡༡ དེ་ལས་ ༡༢ དང་༡༣ དེ་ལས་༡༤ དང་༡༥ ནང་ལུ་ དེ་དང་འཁྲིལ་ཏེ་ གསལ་སྟོན་འབད་དེ་ཡོདཔ་ཨིན། དམིགས་ཚད་༡༠ འདི་ གནམ་གཤིས་འགྱུར་བགྲོད་ཀྱི་ སྐྱེ་ལྡན་རིགས་སྣ་དང་ སྐྱེ་ལྡན་རིམ་ལུགས་ལུ་ ཕན་གནོད་ཀྱི་སྐོར་ལས་ ཧ་གོ་ཐངས་ཡར་དྲག་གཏང་ནི་ལུ་ དམིགས་བསལ་གྱི་ གཙོ་བོར་བཏོན་ཐོག་ལས་ སོ་སོ་སྦེ་ ངོས་འཛིན་འབད་ཡོདཔ་ཨིན། ད་རེས་ནངས་པར་ ཁ་སྟོར་འགྱོ་བའི་ ཞིབ་འཇུག་དང་ མི་སྡེའི་མནོ་ལུགས་དག་པ་ཅིག་ལས་ལྷག་སྟེ་ རྒྱལ་ཁབ་ནང་ གནམ་གཤིས་འགྱུར་བགྲོད་ཀྱི་ གནོད་སྐྱོན་ཚུ་གི་སྐོར་ལས་ ཞིབ་འཚོལ་དང་ ཧ་གོ་ཐངས་ནང་ ད་ལྟོ་ཡང་ ཁྱད་པར་སྦོམ་སྦེ་ར་ ཡོདཔ་ཨིན་པས། འདི་ཡང་ རྒྱལ་ཡོངས་ཡིག་ཆ་ སྐྱེ་ལྡན་རིགས་སྣ་ ཡུན་གནས་དང་ གནམ་གཤིས་འགྱུར་བགྲོད་ སྤྱི་ལོ་༢༠༡༡ དང་ གནམ་གཤིས་འགྱུར་བགྲོད་ཀྱི་སྐོར་ལས་ འཛམ་གླིང་སྤྱི་ཚོགས་ཀྱི་ གཞི་བཀོད་ཚོགས་འདུ་གཉིས་པའི་ནང་ གཙོ་རིམ་བཟུང་སྟེ་ གནད་དོན་འདི་སེལ་ཐབས་ལུ་ བྱ་སྤྱོད་ཚུ་ གཙོ་རིམ་བཟུང་ཡོདཔ་ཨིན། ཡུན་ཐུང་མཐུན་སྒྲིག་ཐབས་ལམ་ཚུ་ UNFCCC གི་འོག་ལུ་ རྒྱལ་ཡོངས་མཐུན་སྒྲིག་ལས་རིམ་གྱི་ཐོག་ལས་ ལག་ལེན་འཐབ་ཡོདཔ་ཨིན། དེ་འབདཝ་ལས་ དམིགས་གཏད་འདི་གིས་ དང་པ་ རྒྱལ་ཁབ་ཀྱི་གནས་ཚད་ནང་ གནམ་གཤིས་འགྱུར་བགྲོད་ཀྱི་ སྐྱེ་ལྡན་རིགས་སྣ་དང་ སྐྱེ་ལྡན་རིམ་ལུགས་ལུ་ གནོད་སྐྱོན་ཚུ་ ཧ་གོ་ཐབས་ལུ་ རྒྱལ་ཡོངས་ཀྱི་ བརྩོན་ཤུགས་ཚུ་ ཤུགས་བཏོན་དགོཔ་དང་ གཉིས་པ་ལུ་ ལྕོགས་གྲུབ་ཡར་དྲག་གཏང་ནི་དང་ ལུང་ཕྱོགས་དང་ རྒྱལ་སྤྱིའི་འབད་བརྩོན་ཚུ་ལུ་ བརྩི་མཐོང་ཁ་སྐོང་འབད་དགོཔ་འདི་ གཙོ་བོར་བསྟེནམ་ཨིན།