ས་གནས་ཀྱི་ འཛུགས་སྐྱོང་འབད་མི་ སྔོ་ཤིང་དང་ སྒོ་ནོར་སེམས་ཅན་ཚུ་གི་ སྣ་མང་རིགས་ཚུ་ ཡིག་ཐོག་ལུ་བཀོད་ནི་དང་ ཉམས་སྲུང་འབད་ནི་ཚུ་ གཙོ་བོ་ར་ འཕྲུལ་རིག་དང་ གཙུག་སྡེའི་ ལྕོགས་གྲུབ་མེད་མི་ལུ་བརྟེན་ མཇུག་བསྡུ་མ་ཚུགས་པར་ ལུས་ཡོདཔ་ཨིན་པས། འདི་ཡང་ གདོང་ལེན་བྱུང་མི་ཚུ་ལུ་ མཐུན་སྒྲིག་འབད་ནི་གི་དོན་ལས་ སོ་ནམ་གྱི་ལམ་ལུགས་བཟོ་ནི་ལུ་ ས་གནས་ཀྱི་སྐྱེ་ལྡན་རིགས་སྣ་ཚུ་གིས་ ཁག་ཆེ་བའི་འགན་ཁུར་འབག་སྟེ་ཡོདཔ་ལས་ དམིགས་གཏད་འདི་གིས་ ལོ་ཐོག་གི་རི་དྭགས་དང་ སྒོ་ནོར་སེམས་ཅན་ཚུ་རྩིས་ཏེ་ ས་གནས་ཀྱི་སོ་ནམ་གྱི་རིགས་སྣ་ཚུ་ ཐོ་བཀོད་འབད་ནི་ལུ་ གཙོ་བོར་བསྟེནམ་ཨིན་མས། དེ་གི་ཤུལ་ལས་ ཐབས་བྱུས་ལས་རིམ་འཆར་གཞི་བཟོ་ནི་དང་ ས་གནས་ཀྱི་སོ་ནམ་སྐྱེ་ལྡན་རིགས་སྣ་ཚུ་ ཉམས་སྲུང་དང་ ཡུན་བརྟན་ལག་ལེན་འཐབ་ནིའི་དོན་ལུ་ སྲིད་བྱུས་གཞི་བཀོད་དང་ གཙུག་སྡེའི་ཐབས་ལམ་ཚུ་ ལྕོགས་གྲུབ་བཟོ་ནི་ཨིན་པས།