བསྐྱར་གསོ་འབད་བཏུབ་པའི་ རང་བཞིན་ཐོན་སྐྱེད་ལས་སྡེ་ནང་ སེམས་ཤུགས་བྱིན་མི་ དབྱེ་བ་མ་འདྲཝ་ཚུ་ གཙོ་བོ་ར་ ཟ་འཐུང་དང་ ཟས་བཅུད་ཉེན་སྲུང་དང་ གྲོང་གསེབ་ཀྱི་ འཚོ་བའི་གནས་སྟངས་ ཡར་དྲག་གཏང་ནི་ དེ་ལས་ ནང་འདྲེན་ལུ་ བརྟེན་སྡོད་མི་ མཐོ་དྲགས་སྦེ་ མར་ཕབ་འབད་ནི་ལུ་ དམིགས་གཏད་བསྐྱེདཔ་ཨིན་པས། འ་ནི་སེམས་ཤུགས་འདི་ ཆུང་ཀུ་ཅིག་ཨིན་རུང་ ཕན་ཐོགས་ཀྱི་ཐད་ཁར་ ལེགས་ཤོམ་ཅིག་སྦེ་ བརྩི་དོ་ཡོདཔ་ཨིན་རུང་ སྐྱེ་ལྡན་རིགས་སྣ་ལུ་ ཕན་གནོད་འདི་ ད་ལྟོ་ཡང་ དབྱེ་ཞིབ་འབད་མ་ཚུགས་པར་ཡོདཔ་ཨིན། ནགས་ཚལ་ལས་སྡེ་ནང་ གྲོགས་རམ་ཐོབ་མི་ ཤིང་ཆས་དང་ NWFPs བསྡུ་ལེན་འབད་ནི་གི་དབང་ཚད་འདི་ སྤྱིར་བཏང་ལུ་ གནོད་པ་ཅན་ཅིག་སྦེ་ མཐོངམ་ཨིནམ་ད་ འདི་ཡང་ ཐོན་སྐྱེད་འདི་ཚུ་ འཛིན་སྐྱོང་མ་འབད་བའི་ ནགས་ཚལ་ཚུ་ནང་ལས་ དུས་ཐུང་གི་ཐོག་ལས་ བཏོན་མི་ལུ་བརྟེན་ཏེ་ཨིན་མས། མཉམ་འབྲེལ་ཉམས་སྲུང་དང་གོང་འཕེལ་ལས་རིམ་འདི་ ཡུན་བརྟན་གྱི་གནད་དོན་ཚུ་ཡོད་རུང་ སེམས་ཤུགས་ལེགས་ཤོམ་ཅིག་སྦེ་ མཐོངམ་ཨིན་མས། དེ་འབདཝ་ལས་ དམིགས་གཏད་འདི་གི་དམིགས་ཡུལ་འདི་ འོས་འབབ་ཅན་གྱི་བར་འཛུལ་གྱི་དོན་ལུ་ སྐྱེ་ལྡན་རིགས་སྣ་ལུ་ སེམས་ཤུགས་བྱིན་མི་འདི་གིས་ ཕན་གནོད་ཚུ་ ངེས་གཏན་བཟོ་ནི་འདི་ཨིན།