འབྲུག་མི་ཚུ་གིས་ སྐྱེ་ལྡན་རིམ་ལུགས་དང་ དེ་གི་ཞབས་ཏོག་ཚུ་གི་བརྩི་མཐོང་ཚུ་ ངོས་འཛིན་འབད་དེ་ མཐའ་འཁོར་གནས་སྟངས་ཉམས་སྲུང་འབད་ནི་གི་ བསམ་བློ་སྒྲིང་སྒྲིང་སྦེ་ བདག་འཛིན་འཐབ་སྟེ་ཡོད་རུང་ སྐྱེ་ལྡན་རིམ་ལུགས་ཀྱི་ཞབས་ཏོག་ཚུ་ལུ་ ཏི་རུ་གི་བརྩི་མཐོང་བཀལ་ནི་འདི་ ལམ་སྲོལ་དང་ ཞིབ་འཚོལ་གྱི་དམིགས་ཡུལ་སྒྲིང་སྒྲིང་ཅིག་ཡང་མེན། འདི་གིས་ སྐྱེ་ལྡན་རིམ་ལུགས་དང་ སྐྱེ་ལྡན་རིམ་ལུགས་ཀྱི་ཞབས་ཏོག་མ་འདྲཝ་ཚུ་གི་ བརྩི་མཐོང་ངོ་མ་འདི་ ཉམས་བཅུག་སྟེ་ སྐྱེ་ལྡན་རིམ་ལུགས་འདི་ཚུ་ ངོས་འཛིན་དང་ ཉམས་སྲུང་འབད་མ་ཚུགས་པར་ ལུས་ཡོདཔ་ཨིན། དེ་འབདཝ་ལས་ དམིགས་གཏད་༢ པ་དང་མཉམ་འབྲེལ་ཐོག་ལས་ དམིགས་གཏད་འདི་གིས་ སྐྱེ་ལྡན་རིམ་ལུགས་གཙོ་བོ་ཚུ་ངོས་འཛིན་འབད་དེ་ དེ་ཚུ་གི་གནས་རིམ་དང་ ཞབས་ཏོག་བྱིན་མི་ཚུ་གི་ བརྩི་མཐོང་ཚུ་ བརྟག་ཞིབ་འབད་ནི་ལུ་ གཙོ་བོར་བསྟེན་ནི་ཨིན། དེ་མ་ཚད་ ཁག་ཆེ་བའི་ ཆ་ཤས་ཅིག་ཡང་ སྐྱེ་ལྡན་རིམ་ལུགས་ཞབས་ཏོག་འདི་ཚུ་ལུ་ བརྟེན་སྡོད་མི་ ཨམ་སྲུ་དང་ ཨ་ལུ་ཚུ་རྩིས་ཏེ་ དབུལ་ཕོངས་དང་ ཉེན་ཁ་ཅན་གྱི་ དབྱེ་ཁག་ཚུ་ ངོས་འཛིན་འབད་ནི་འདི་ཨིན། དེ་གི་ཤུལ་ལས་ འབྲུག་མི་དང་ ལུང་ཕྱོགས་ཁྱིམ་ཚང་ཚུ་གི་ མཐའ་དོན་ལུ་ སྐྱེ་ལྡན་རིམ་ལུགས་དང་ སྐྱེ་ལྡན་རིམ་ལུགས་ཞབས་ཏོག་ཚུ་ ཉེན་སྲུང་འབད་ནིའི་དོན་ལུ་ འོས་འབབ་ཅན་གྱི་ ཐབས་བྱུས་ཚུ་ བཙུགས་ནི་ཨིན་པས།