རྒྱལ་ཁབ་ནང་ལུ་ ཉམས་རྒུད་འགྱོ་མི་ ས་ཁོངས་ཚུ་གི་ ཨེ་ཀར་དང་ ས་གནས་ཀྱི་སྐོར་ལས་ གཞི་རྟེན་བརྡ་དོན་ཡོད་རུང་ ཉམས་རྒུད་འགྱོ་བའི་ གནས་རིམ་དང་ གནས་ཚད་ དེ་ལས་ ཉམས་རྒུད་འགྱོ་མི་ སྐྱེ་ལྡན་རིམ་ལུགས་ཀྱི་རིགས་ཚུ་གི་སྐོར་ལས་ བརྡ་དོན་ཚུ་ མ་ལངམ་སྦེ་ཡོདཔ་ཨིན། གལ་ཆེ་བའི་བརྡ་དོན་འདི་མེད་མི་འདི་གིས་ ད་ལྟོ་ཡོད་པའི་ ཉམས་གསོ་དང་ བསྐྱར་གསོའི་ལས་རིམ་ཚུ་ལུ་ ཐོ་ཕོགཔ་ཨིན། དེ་མ་ཚད་ སྡོད་གནས་དང་སྐྱེ་ལྡན་རིམ་ལུགས་ཉམས་རྒུད་ཀྱི་གནད་དོན་ཚུ་ ཆ་ཚང་སྦེ་ ལྟ་རྟོག་འབད་ནི་གི་དོན་ལུ་ གཙུག་སྡེ་གི་ཐབས་ལམ་ཅིག་ཡང་ མེདཔ་ཨིན་མས། ས་ཆ་ཉམས་རྒུད་ལུ་གདོང་ལེན་འབད་ནིའི་དོན་ལུ་ རྒྱལ་ཡོངས་ལག་ལེན་འཆར་གཞི་འདི་ ས་ཆ་ཉམས་རྒུད་ཀྱི་གནད་དོན་འདི་ སེལ་ཐབས་ལུ་ བཀའ་རྒྱ་གནང་ཡོདཔ་ལས་ དམིགས་གཏད་འདི་ནང་ གྲོས་འཆར་བཀོད་མི་ བྱ་སྤྱོད་ཚུ་ ས་ཆ་ཉམས་རྒུད་ཀྱི་ རྒྱལ་ཡོངས་ལག་ལེན་འཆར་གཞི་ལུ་ ལྷན་ཐབས་འབད་ནི་གི་དོན་ལུ་ བསམ་ཞིབ་འབདཝ་ཨིན། དཔལ་འབྱོར་གྱི་འགྲོ་སོང་དང་ རྒྱལ་ཁབ་ནང་ ཉམས་ཆག་ཤོར་མི་ སྐྱེ་ལྡན་རིམ་ལུགས་དང་ ས་ཁོངས་ཚུ་ག་ར་ ཉམས་གསོ་འབད་ནི་ལུ་ རང་བཞིན་གྱི་ བར་ཆད་ཚུ་ལུ་བལྟ་སྟེ་ དམིགས་གཏད་འདི་གིས་ ཉམས་རྒུད་འགྱོ་བའི་ གནས་ཚད་དང་ རྒྱུ་རྐྱེན་ཚུ་ ཧ་གོ་ནི་ལུ་ གཙོ་བོར་བསྟེན་ནི་ཨིན་པས།