འཛམ་གླིང་ནང་ གསརཔ་ཐོན་མི་ བེ་གོ་ནི་ཡ་གི་རིགས་སྣ་འདི་ སྤྱི་ལོ་༢༠༢༠ ལུ་ བསྡུ་སྒྲིག་འབད་མི་ སྔོ་ཤིང་གི་དཔེ་ཚད་དང་ སྤུ་ན་ཁ་རྫོང་ཁག་འོག་གི་ མེན་ཅུ་ན་ ཏོབ་པི་ས་རྒེད་འོག་ལུ་ ཞིབ་དཔྱད་མཐིལ་ཕྱིན་འབད་བའི་ཤུལ་ལས་ མཐོང་ཡོདཔ་ཨིན། དེ་མ་ཚད་ འབྲུག་ལུ་ ཐོ་བཀོད་གསརཔ་སྦེ་ བེ་གོ་ནི་ཡ་པིཀ་ཊ་ བེ་གོ་ནི་ཡ་རེགསི་ བེ་གོ་ནི་ཡ་རོགསི་བཱར་གྷི་ དེ་ལས་ བེ་གོ་ནི་ཡ་ཟན་ཐི་ན་ཚུ་ ཐོ་བཀོད་འབད་ཡོདཔ་ཨིན་པས།

རིགས་སྣ་གསརཔ་འདི་ལུ་ Begonia menchunaensis ཟེར་ མིང་བཏགས་ཡོདཔ་ད་ འདི་ཡང་ སྤུ་ན་ཁ་རྫོང་ཁག་ ཏོབ་པི་ས་རྒེད་འོག་འོག་ལུ་ཡོད་པའི་ མེན་ཅུ་ན་ཟེར་མི་ རིགས་སྣ་འདི་ལས་ ཐོན་ཡོདཔ་ཨིན་མས། ད་རེས་ནངས་པ་ སྤུ་ན་ཁ་རྫོང་ཁག་ལས་རྐྱངམ་གཅིག་ ཤེས་རྟོགས་བྱུང་དོ་ཡོདཔ་ད་ རྒྱལ་ཁབ་ཀྱི་ རྫོང་ཁག་གཞན་ཚུ་ནང་ལས་ཡང་ དེ་བཟུམ་མའི་ སྡོད་གནས་ཡོད་ས་ལས་ ཤེས་རྟོགས་བྱུང་དོ་ཡོདཔ་ཨིན་པས། མེ་ཏོག་དཀརཔོ་ཡོདཔ་ལས་ མཐོ་ཚད་མི་ཊར་༢༢༠༠ དེ་ཅིག་གི་ གྱིབ་མ་ཅན་དང་ ཆ་ཤས་ཅིག་ ཁ་ཕྱེ་སྟེ་ཡོད་མི་ ནགས་ཚལ་གྱི་ ས་ཁོངས་ཚུ་ནང་ སྐྱེས་དོ་ཡོདཔ་ཨིན་པས།

འབྲུག་ལུ་ བེ་གོ་ནི་ཡ་གི་རིགས་སྣ་འདི་ རིགས་སྣ་༢༢་གིས་ ངོས་འཛིན་འབད་དེ་ཡོདཔ་ད་ རྒྱལ་ཁབ་ཀྱི་ས་གནས་མང་ཤོས་ཅིག་ནང་ ད་ལྟོ་ཡང་ ཞིབ་འཇུག་འབད་བའི་བསྒང་ཡོདཔ་ལས་ རྒྱལ་ཁབ་ནང་ལུ་ བེ་གོ་ནི་ཡ་གི་རིགས་སྣ་༣༠་ལྷགཔ་ཅིག་ གནས་ཚུགས་པའི་འོས་འབབ་ཡོདཔ་ཨིན་མས། དེ་བཟུམ་མའི་ རིགས་སྣ་ཚུ་ མཐོང་མི་དེ་གིས་ རྒྱལ་ཁབ་ནང་ སྐྱེ་ལྡན་རིགས་སྣ་ ཕྱུགཔོ་ཡོདཔ་ལས་ རྒྱལ་ཁབ་ནང་ རི་དྭགས་ཤིང་སྣ་གི་ གྱངས་ཁ་ གཏན་གཏན་སྦེ་ འཚོལ་ཞིབ་འབད་དགོཔ་ཨིན་པའི་ བརྡ་མཚོན་གསལ་ཏོག་ཏོ་ཅིག་ཨིན་པས།

རྒྱལ་སྤྱི་རང་བཞིན་ཉམས་སྲུང་ཚོགས་སྡེ་གིས་ ཐོ་དམརཔོ་གི་དབྱེ་ཁག་དང་ ཚད་གཞི་ཚུ་དང་འཁྲིལཝ་ད་ རིགས་སྣ་འདི་ རྒྱལ་ཁབ་ནང་ལུ་ ཉེན་ཁ་ཆེ་བའི་ རིགས་སྣ་ཅིག་ཨིན་མས།