མ་དངུལ་གྱི་ཐོན་ཁུངས་ལངམ་སྦེ་ཡོད་མི་འདི་ རྒྱལ་ཡོངས་དམིགས་གཏད་ཚུ་ མཐར་འཁྱོལ་ཅན་སྦེ་ ལག་ལེན་འཐབ་ནི་དང་ རྒྱལ་ཡོངས་དམིགས་གཏད་ཚུ་ གྲུབ་ཚུགས་ནི་ལུ་ གལ་ཆེ་ཤོས་ཅིག་ཨིན། རྒྱལ་ཡོངས་དམིགས་གཏད་གྲུབ་ཐབས་ལུ་ སྐྱེ་ལྡན་རིགས་སྣ་ཉམས་སྲུང་འབད་ནི་ལས་ལྷག་སྟེ་ ཡུན་བརྟན་གྱི་མི་སྡེ་དཔལ་འབྱོར་གོང་འཕེལ་དང་ མི་སྡེའི་མཐའ་དོན་ལུ་ ཕན་ཐོགས་འབྱུང་ནི་ཨིནམ་མ་ཚད་ མཐའ་མཇུག་ཁར་ རྒྱལ་ཡོངས་དགའ་སྐྱིད་ཀྱི་ གནས་སྟངས་ཡོངས་རྫོགས་གྲུབ་ཚུགས་ནི་ཨིན་པས། ད་རུང་ འབྲུག་གིས་ སྐྱེ་ལྡན་རིགས་སྣ་ཉམས་སྲུང་འབད་ནི་གི་ལཱ་འདི་ རྒྱལ་ཡོངས་ཀྱི་ས་མཚམས་ལས་བརྒལ་ཏེ་ འཛམ་གླིང་མི་སྡེ་ཚུ་ལུ་ ཕན་ཐོགས་འབྱུང་ནི་ཨིན་མས།

ལོ་ལྔའི་འཆར་གཞི་༡༡ པའི་ནང་ རང་བཞིན་ཐོན་སྐྱེད་ལས་ཁུངས་ལུ་ མ་དངུལ་ ཡུ་ཨེས་དྲོ་ལར་ས་ཡ་༦༥ དེ་ཅིག་ བགོ་བཀྲམ་འབད་ཡོདཔ་ད་ དེ་གི་གྲས་ལས་ ཡུ་ཨེས་དྲོ་ལར་ས་ཡ་༡༦.༨༣ དེ་ཅིག་ སྐྱེ་ལྡན་རིགས་སྣ་དང་འབྲེལ་བའི་ ལས་སྣ་ཚུ་གི་དོན་ལུ་ བགོ་བཀྲམ་འབད་ཡོདཔ་ཨིན་པས། རྒྱལ་ཡོངས་ཚོགས་སྡེ་གིས་ ལག་ལེན་འཐབ་ནིའི་དོན་ལུ་ མ་དངུལ་ཡོངས་བསྡོམས་ ཡུ་ཨེས་དྲོ་ལར་ས་ཡ་༣༢.༠༥ དགོཔ་སྦེ་ ཚོད་རྩིས་བཏོན་ཡོདཔ་ལས་ ཡུ་ཨེས་དྲོ་ལར་ས་ཡ་༡༥.༢ གི་ ཁྱད་པར་ཡོདཔ་ལས་ དེ་ཡང་ ཐོན་ཁུངས་འཚོལ་དགོཔ་ཨིན་པས། ཐོན་སྐྱེད་བསྡུ་སྒྲིག་དང་ བགོ་བཀྲམ་གྱི་དོན་ལུ་ མཉམ་འབྲེལ་གྱི་ཐབས་ལམ་མེད་མི་འདི་གིས་ གནས་སྟངས་འདི་ ཧེང་སྐལ་རང་ སྐྱོ་དྲགས་བཟོཝ་ཨིན་མས། དེ་འབདཝ་ལས་ ལོ་ལྔའི་འཆར་གཞི་ནང་ ཨེན་བི་ཨེསི་ཨེ་པི་ལག་ལེན་འཐབ་ནི་འདི་ གཙོ་བོ་སྦེ་ བཙུགས་ཏེ་ ཨེན་བི་ཨེསི་ཨེ་པི་མཉམ་འབྲེལ་དང་ ཐོན་སྐྱེད་བསྡུ་སྒྲིག་འབད་ནིའི་དོན་ལུ་ གཙུག་སྡེའི་གཞི་བཀོད་ཅིག་ གཞི་བཙུགས་འབད་དགོཔ་འདི་ གལ་ཆེ་ཤོས་ཅིག་ཨིན། ཐོན་ཁུངས་བསྡུ་སྒྲིག་འབད་ནིའི་ཐབས་བྱུས་བཟོ་ནི་འདི་ ཨེན་བི་ཨེསི་ཨེ་པི་ལག་ལེན་འཐབ་ནིའི་དོན་ལུ་ མ་དངུལ་འཚོལ་ནི་ལུ་ གཞི་རྩ་ཅིག་ཨིན།